正所謂輸人唔好輸陣，就算打機唔算好叻，但穿上一套電競專用戰衣，至少都會自我感覺良好，分分鐘打出120%水準。專門推出遊戲配件的KontrolFreek最新更推出一系列專為機迷／電競選手而設的衣物，設計上處處都是針對機迷所需。主打是Icon Performance Gaming Hoodie，尺寸會較一般Hoodie大，就算戴上Headset打機時都可以扮型笠上Hoodie上的帽，而口袋都做得較大，方便袋住手掣去不同地方打機之用。
至於Hoodie用上具防水及防跣的特別DRYV物料製造，背脊更預留通風位，打機時都唔怕焗到一身汗。除Hoodie外，KontrolFreek更同時推出設計概念同物料都跟Hoodie相同的打機用及膝短褲，長時間作戰時都坐得舒服。至於這套Hoodie加短褲打機戰衣賣幾多錢？其實一套都是約102美元（折約$791），至於款式如何則見仁見智，但若然真是能提升打機表現，相信狂熱機迷並唔會吝嗇。
資料來源：KontrolFreek
文：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily