【本報訊】今日大年初七立春日正式踏入雞年，不少善信前往荃灣圓玄學院攝太歲及祈福，院方為疏道人潮首次實施人流管制，料全日有以萬計善信攝太歲。有玄學家指屬雞、兔、鼠及狗今年均屬犯太歲，須攝太歲化解。
圓玄學院負責人李先生指，新春期間有不少善信前來攝太歲，立春屬雞年之始，料人流會更多，院方今年首次在新春期間採取人流管制措施，並加派人手管理，在殿外將人潮分流，架有帳篷及擺放風扇，方便善信輪候及進入元辰殿攝太歲，「一條就係排隊輪候買太歲衣、清香；一條隊就係進入元辰殿參拜斗姥元君」。
設風扇吹散濃煙
李續稱，為提供更好環境，元辰殿同時只容許約百名善信參拜，「唔想太逼」，從購買太歲衣至入殿參拜，需時約45分鐘，「第一次實施人流管理措施，唔敢講輪候時間縮短咗，但有一個比較舒適環境畀善信等候，又有風扇，吹散啲煙，畀啲唔受得香燭味嘅善信舒服啲」。
李補充說，現場設有清晰告示教導攝太歲程序，首先在殿外購買太歲衣及清香，上香後再排隊進入元辰殿，「入到大殿順序參拜斗姥元君、值年太歲同本命元辰，有需要可以行大運，同60個太歲上香。由排隊至入殿內拜太歲成個全新程序，啲善信都好接受」。
玄學家麥玲玲表示，傳統來說，立春過後踏入雞年才開始攝太歲，但不少善信年三十晚後已拜太歲，「嚴格嚟講，2月3日晚上11點24分先至係立春雞年，所以最好嘅拜太歲時間係初八（明日），但今時今日嚟講唔使咁規限，只要有心就得」。
麥玲玲指，生肖屬雞、兔、鼠及狗者今年均屬犯太歲，須攝太歲化解，「拜神講求心誠則靈，善信要注意穿着要端莊；至於今年冇犯太歲，都可以攝太歲求平安」，她提醒攝太歲善信須在年底冬至前還太歲。
■記者蔡朗清