本身係基督徒嘅新民黨葉劉淑儀，呢幾年大年初二都有跟住鄉議局去車公廟求籤，就算俾麒麟撞過，都無阻佢嘅熱情。
不過普遍教友新年當然唔係去車公廟，而係去新年聚會，一齊祈禱、互相祝福，好似天主教香港教區榮休主教陳日君樞機咁，前日、即係初三，就同一班教友聚會，佢祈求上主喺新一年降福各人，更希望香港社會及世界享有真正和平。
參加聚會嘅人士，唔少係政界中人，包括民主黨創黨主席李柱銘、工黨何秀蘭、李卓人等，齊齊同樞機拜年。八方見陳樞機着上傳統嘅棉襖，同李柱銘拎住封利是合照，精神飽滿，喜氣洋洋，唔知佢哋嘅新年願望，會唔會都係唔想「CY 2.0」上場？