猴年最爆新股當然係「翠如bb股」聯旺集團（8217）喇，呢隻股都幾得意喎，農曆年前，忽然成個星期冇晒成交，係連續五日半冇成交。望住呢隻股嘅圖表，就好似某個facebook專頁嘅管理員忽然放假去了，個page即刻冇晒動靜咁。
聯旺舊年4月中上市，4月底證監會已經話佢股權集中，公司招股價只係0.26元，上周五報24元，公司市值去到300億元㗎，等於兩隻電視廣播（511）有多，但睇佢成交，似乎就冇乜人吼。
睇番紀錄，除咗1月底成個星期冇成交，過去幾個月，聯旺喺每個月嘅十幾號或者廿幾號，都會有一兩日冇成交，典解嘅？