呢排冇乜騎師停賽，人多競爭大，搵食自然困難。不過想像不到成績極佳的旺人祈普敦，今期竟要坐冷板。
澳洲年輕好手祈普敦剛戰賀歲賽憑「喜旺寶」、「無敵飛龍」、「龍船鼓響」中三元，「無敵飛龍」更奪賀年盃，季內他已贏23Win之多，騎功咁好手風咁順，理應大受歡迎才對。偏偏本周四(2月2日)快活谷夜馬，祈普敦只有「馬來之珍」、「好準確」兩匹座騎，坐足六場冷板櫈。
第四場四班1650米之「好準確」連場大敗，基本上暫時可以不理。反而第二場五班2200米的「馬來之珍」值得睇吓，季初曾與「糖黐豆」串Ｑ，「糖黐豆」之後再添兩捷，反映「馬來之珍」喺五班有相當分量，今仗抽4檔好位，祈普敦今期雖然座騎少，但話唔定貴精不貴多，憑「馬來之珍」建功。