新年係外遊旺季，全國政協常委唐英年亦喺新年期間，一家人出埠旅行放吓假。今次佢去咗芬蘭過一個凍冰冰嘅白色新年，佢越洋透過微博同大家拜年，祝願市民新年進步、身體健康、家庭和睦！（呢句賀語唔知有冇特別嘅祝賀對象呢？）
既然係雞年，唐唐順勢借「雞」發揮，疑似暗講特首選戰咁噃！佢話公雞喺日出時啼叫，象徵黑暗過去，黎明出來，重新出發；母雞生蛋孵出小雞，代表生命活力，美好前程，欣欣向榮，最重要嗰句就係：「不論是公雞、母雞，恰如其份便是好雞」，祝願香港未來一年政通人和硂經濟繁榮硂社會安定。
咦，兩位跑馬仔大熱曾俊華同林鄭，正正係一男一女，各有各賣點，一句「恰如其份便是好雞」，唔通暗示仲未揀定，樂見兩人公平競爭？