一匹馬出賽21次，由10個不同騎師騎過，仍然贏唔到，咁練馬師仲可以做啲乜呢？
霍利時就遇到咁嘅情況，旗下的「頌義」就係嗰匹21戰不勝之馬，此駒將於年初六本周四（2月2日）再出，角逐快活谷夜馬五班2200米。霍利時為咗尋求突破，今次搵咗第11位騎師初次替「頌義」操刀，就係雷神莫雷拉喇。
講真，「頌義」呢啲留放咁講求尺寸嘅難贏馬，早就應該配雷神啦，雷神出咗名係五班處女馬救星，今季幫過唔少呢類馬如「蒜頭爺爺」、「喜得龍」打開勝門，雷神嘅神奇能力，唔係其他騎師可以比擬。
至於「頌義」其實亦非不堪造就，前仗直路塞了一輪，形勢惡劣下仍只輸半馬位得季軍。上仗姍姍來遲梗頸四，走勢亦唔錯，論馬近績根本唔差，唔怪得雷神今次睇中肯騎啦！