近年有唔少運動員都鍾意喺社交網站玩直播，喺一月一號嫁畀中華台北乒乓球手江宏傑嘅福原愛都唔例外！呢位28歲嘅日本乒乓球女將就趁大年初一，着起紅色衫向球迷拜年，當時都有10.4萬人睇直播㗎。福原愛自從里奧後就冇參加過比賽，發福嘅佢早前仲透露自己生完小朋友先會復出，令唔少人都懷疑佢已經有咗；有粉絲就趁福原愛直播嗰陣問佢係咪大肚，但「瓷娃娃」就扮聽唔到。