【本報訊】預計明年開幕的西九戲曲中心現時仍未完工，但已令粵劇界十分興奮，藝人兼粵劇名伶羅家英首度到訪時直言「有啲激動」，笑言自己等了70年，希望日後機會踏上台板，期望劇場租金可較同類劇場便宜。有年輕粵劇演員指現時粵劇場地經常爆滿，希望中心落成後可紓緩情況。
年輕演員盼有更多機會
西九下月3至8日舉辦第3屆粵劇新星展，於高山劇場有多場表演，任計劃藝術策劃的羅家英日前獲邀到訪戲曲中心，「見到呢個中心，有啲激動，相當安慰」，指自己「等咗70年，諗都諗唔到有咁嘅機會」，香港會有戲曲專屬場地，形容是香港的光榮，被問到會否希望可踏上西九台板，「我一定會嚟做，2018年箒，我仲等得嘅」。他指，「舞台面積適中，唔大唔細，有時舞台太大、觀眾太多都冇用，因為太遠，千幾人已經夠」。該處交通較高山劇場方便，可吸引遊客，期望租金水平不要訂得太高，最好低於同規模的尖沙嘴文化中心，「嗰度3至4萬一晚，但好多收費，裝置、超時又要加錢」。
粵劇新星展表演者、23歲的譚穎倫參觀後指，化妝間與舞台屬同一層，「唔使上上落落，其他（劇場）要走好幾層」，又指現時場地經常爆滿，一年前預訂都未必能成功。另一演員瓊花女認為戲曲中心最特別是茶館，可邊飲茶邊看戲，希望設駐場劇團，讓演員有更多演出機會。
■記者鍾雅宜