今年立春八字缺土，人稱沈大師的沈振盈認為，雞年會繼續看淡樓市，「今年形勢會更加嚴峻，有機會暴跌」，並相信屬土的地產股，今年不討好。
中環財富蒸發
沈大師相信，樓災恐再度重臨，而且立秋後危機更大，「去到11月、12月，樓市形勢好差！」
至於到底是股市拖冧樓市，抑或是相反，則大家要拭目以待，反正就是股市樓市齊冧，「睇中環地運，今年係俾人打劫格，應該好多財富蒸發。」
另外，他指今年中國都同樣「俾人打劫」，有資金流走情況，不過中國實行計劃經濟，大可落閘禁走資，相信今年「落閘」力度相當大，預期人民幣續弱，但由於市場已消化貶值預期，因此不會有大震盪，兌港元雖最終會1兌1，「但咁唔代表人仔兌美金係7.8，呢個就係玄機」。他表示人民幣跌可以因為美元升，「唔會係因為經濟崩潰，中國頂唔住之類。」
他語重心長預言，「記住！過完2017跟住嗰兩年，中國經濟係突飛猛進！」他認為2018至2019年，美國經濟會走下坡，中國將取而代之領導全球經濟發展，「我百分之一百肯定，2018至2019年中國會急速冒起。」