【本報訊】特首參選人林鄭月娥昨無公開活動，僅透過競選辦網站發新年賀文拜年。另外，林鄭亦公佈全國人大常委、前立法會主席范徐麗泰出任其競選辦資深顧問，范太透過短片讚揚林鄭盡責、做實事，寄語林鄭要多與市民近距離接觸。
范太任資深顧問
出任其競選辦資深顧問的范太在短片先讚揚林鄭是盡責的人，「做乜嘢佢都係全心全力咁去做，同埋佢係希望能夠做到嘢」。
她又認為現今社會較亂和欠清晰方向，因而需要一位有心有力、意志力強、眼光夠遠的人領導香港，相信任何人做特首都會很辛苦，「但係我覺得林鄭月娥佢係可以經得起風浪」。范太亦提到，相信市民想了解林鄭「係咪一個平常人呢？我諗如果有多啲機會同啲市民近距離接觸同埋傾吓偈，亦都聽吓市民啲意見，我相信係相得益彰嘅」。
另外，林鄭在賀文中表示，各行各業的從業員和公職人員，如在口岸疏導出入境人流的紀律部隊、清潔花市的工人都要在新年期間緊守崗位，她要向這些人表示感激，最後指「香港是我們的家，有賴各界同心協力，社會不斷進步，欣欣向榮」，冀香港再創高峯。
■記者呂浩然