英足盃第四圈將於農曆新年假期展開，其中一場重量級戲碼非「聖人」修咸頓對「兵工廠」阿仙奴（右）兩支英超球隊對碰莫屬。修咸頓陣中中堅華基爾雲迪積克因足踝受傷，加上隊長荷西方迪已售予韋斯咸，聖人頓時失去兩大後防支柱。周中聯賽盃淘汰利物浦晉身決賽，某程度上因紅軍多次門前失利，還多得門將費沙科士打多次神級樸救。球隊作客晏菲路消耗大量體力，今仗要惡鬥阿仙奴，要維持高水平演出絕非易事。
至於阿仙奴上場聯賽憑補時階段一球問題12碼險勝般尼，升上聯賽榜次席。不過雲格被逐，加上推撞第四球證，肯定會遭受停賽處分。同時格列沙加今季第二度染紅，將要停賽四場無緣出戰。但對比周中聯賽盃全力應戰的修咸頓，兵工廠仍佔有優勢。球隊有充裕時間部署戰術。
兩軍曾於去年11月尾聯賽盃碰頭，阿仙奴因派出大量副選，主場不敵修咸頓。今仗以逸待勞的兵工廠肯定不希望重複犯錯，定會報回聯賽盃一敗之仇。
丘建威
樂視體育香港評述員