每逢過年過節，到親戚家中拜年總會被充滿好奇心的「姨媽姑姐」問候一番。今年適逢特首選舉，幾位可能係未來特首的人亦經常會被問到各種尖銳問題，不妨參考一下他們的金句，用「語言藝術」完滿解答。《蘋果》精選了以下10個拜年常見問題，大家去拜年前記住「袋住先」備用。
問：「都唔細架啦，仲未拍到拖呀？」
答：被神選中嘅人都要行一條比較崎嶇嘅路，而呢條崎嶇嘅路我已經行咗幾廿年（曾俊華）
問：「你男/女朋友呢？俾人飛咗呀？」
答：又想用呢條嚟trap我，你對我好唔公道囉，你再諗吓點樣問（葉劉）
問：「幾時結婚？」
答：呢啲天機嚟架喎（曾俊華）
問：「你讀嗰個學系，將來點搵食呀？」
答：呢個唔係我個人名聲嘅考慮，係香港整體福祉問題（林鄭月娥）
問：「搵幾錢一個月？」
答：搵幾錢都好，我出錢出力出心，唔通可以話我對社會無擔當咩？我絕對有擔當（含淚）（葉劉淑儀）
問：「仲做緊嗰份工呀，幾時升職加人工呀？」
答：呢個係上帝嘅旨意（林鄭月娥）
問：「幾時到你買樓呀？」
答：To buy or not to buy, that is the question（曾俊華）
問：「幾時生仔呀？」
答：咁刺激？喺緊幾年要休養生息（曾俊華）
問：「成年無見，做咩肥咗又殘咗呀？」
答：係呀，太上心，要保重身體（林鄭月娥）
問：「今日做咩咁靜唔出聲呀？」
答：無回應實情係唯一嘅回應（胡國興）