facebook直播大家睇過唔少，但有冇見過直播隻雞仔出世吖？華華噚日下晝終於見識到！
就快踏入雞年，正所謂「雞，全部都係雞」，HK Express亦應節，竟然諗到呢條直播孵雞蛋嘅橋，網民都話新奇又過癮，高峯時有成千人一齊睇直播。
HK Express發言人話，由marketing部門度呢條橋，籌備咗幾個星期，事前為保留驚喜專登唔做宣傳。
今次直播活動係同本地一個大型農場合作，直播場地都係喺農場入面。華華同網民都有同一疑問，啲雞仔出世之後點安置佢哋呢？發言人就話唔使擔心，雞仔會留喺農場，仲有專業人士照顧㗎。