咸姆頓雖然喺剛結束嘅F1賽季衞冕總冠軍失敗，但似乎冇乜影響佢嘅心情。喺休季期間，佢百足咁多爪，之前着到靚靚咁出席巴黎時裝周，而近日佢就將自己喺雪山度大顯身手，表演滑雪板花式嘅片段放上Instagram。不過，「黑帝」好快又要再次投入工作，因為佢效力嘅平治車隊二月會有新車發佈會，之後佢就要去巴塞隆拿試車。