前美國駐港總領事夏千福自從冇撈之後，走去顧問公司搵真銀，接任嘅美國駐港總領事唐偉康似乎冇好似前任咁高調，但就承繼前前任楊甦棣同夏千福嘅傳統，趁新年拍咗條賀年短片同大家拜年。唐偉康入鄉隨俗，全程以廣東話拍攝短片。
呢條叫「雞有囍事」嘅三分鐘短片係講述唐偉康想知道港人同澳門人係點樣過年，之後打算搵同事問個究竟，點知發現成個領事館上下都俾人點咗穴，佢四出搵人冇人應，點知佢喺其中一個部門食咗隻炸油角，突然有隻雞仔毛公仔走出嚟，老套橋段當然係唐偉康揸住隻毛公仔，逐一為各同事解穴，然後聯同同事向大家唱歌拜年啦。