牙買加飛人保特被隊友尼斯達卡特連累，後者喺2008年京奧嘅尿液樣本呈陽性反應，搞到佢哋當屆男子4x100米接力金牌被褫奪。保特周三話：「呢件事實在令人心碎，多年嚟付出好大努力先有到咁多金牌。不過生活總會遇上意料以外嘅事，如果要我交番面金牌出嚟亦唔係問題。」據講牙買加方面考慮緊向體育仲裁法院上訴。