八方早排講過，支聯會舊六四紀念館喺去年7月關閉之後，支聯會要再籌錢買新館址，但係未籌夠錢，支聯會秘書李卓人噚日就話，佢哋已經有目標，希望一兩年內籌到足夠款項，購買館址重開六四紀念館。
李卓人噚日去商台節目，話支聯會心目中嘅理想館址，最好比舊六四紀念館面積，大五成左右，即係大約要有1,500呎左右，不過面積大咗，樓價亦同樣高，估計單畀首期就要800到900萬，呢筆數仲未計其他雜項開支，阿人話支聯會出售舊館址，再加埋上年六四晚會籌款，夾夾埋埋有670萬左右，阿人期望可以喺一兩年內籌足個尾數，夠錢買新館址，可以盡快重開六四紀念館。