【本報訊】除了超市收銀員需長時間站立工作，本港零售業員工的工作時間動輒10小時或以上，對腳部、腰部和頸部易造成損害。從事逾10年零售業的Emma，於一間連鎖服裝店擔任售貨員，每日工時長達11至14小時，全日只有兩小時的食飯時間，說「係唯一嘅休息時間……公司冇指引話做幾多工作時間需要休息」。
休息時間欠指引
她指，因公司沒有員工的休息時間指引，只有「靜嘅時間、冇客或者執倉有時會偷偷哋坐一陣間……總之有客人就一定要跟」，又指「如果安排工作崗位喺貨場嘅話，直情個同事係全程企喺度」。
Emma表示，因為長期站立工作，現時腳底有好厚的腳繭「好大嚿，好似手指公咁大」，她指行樓梯時膝頭會痛，須定期做物理治療。
她過去曾經用過多種方法紓緩腳痛，例如浸腳等均沒有成效。經醫生診斷後，她證實有嚴重腳趾外翻，並說：「試過夜晚瞓覺腳趾會忽然陰陰痛，痛到瞓唔到覺……試過腳痛到冇力要入院」。
物理治療師指她雙腳必須要有休息時間，否則好有可能出現靜脈曲張，因此上個月決定辭職休養。
■記者張文鈴