今次特首選舉，前政務司司長林鄭月娥表明會繼續特首梁振英施政，又拒絕與梁劃清界線，令外界覺得他是梁的「繼承者」。正如梁振英及其管治班子之前所言，他們並不自視為看守政府，反而想在餘下數月，繼續推動大量有爭議性政策，聽聞梁的「愛將」、財政司司長陳茂波全力將梁一些「要求」，塞入即將發表的財政預算案，「只要林鄭當選，梁振英可確保佢退任前定落嘅嘢，唔會人亡政息」。
任期結束前敲定方向
有官場中人指，梁在剛公佈的施政報告中，提出不少有爭議措施，如發展郊野公園土地，推動產業政策等，「好多人以為CY得幾個月任期，呢啲有爭議政策應該喺餘下任期做唔到，但事實似乎唔係咁」，早前梁表示，已要求包括環保部門在內有關部門，研究可發展郊野公園選址，並盡快公佈地點供社會討論，「明顯係要喺今屆政府任期結束前，敲定晒具體方向，畀下屆政府跟住做」。
另一官場中人更稱，梁一力要香港發展產業政策，據聞梁同樣有意在今屆政府任期結束前，確定政策具體內容，他聽聞梁已要求陳茂波，可否將有關政策加入2月發表的財政預算案中，「聽聞CY好想用稅務、土地優惠推動某啲產業發展，但呢樣係大手術，亦同政府一貫政策唔同，唔諗清楚可能出問題，以前曾俊華對呢樣嘢有保留，𠵱家財爺換咗陳茂波，CY梗係快快手手做」。
有政界中人相信，若林鄭當選特首，他估計林鄭不會推翻梁在「餘下任期」所作的政策，「西環已當正林鄭係CY繼承人，唔會畀CY人亡政息」，不過若曾俊華當選的話，「我相信John一定唔肯照單全收CY留低嘅政策」。
季陶
周一、三、五刊出