小米前國際副總裁「虎哥」Hugo Barra早幾日以健康同家庭為由，宣佈辭職，準備返去美國矽谷，原來佢係搵到好路數，將會加盟facebook，負責帶領Oculus團隊，發展虛擬實境Virtual Reality（VR）業務。
facebook創辦人朱克伯格噚日喺facebook宣佈虎哥呢個新任命，佢話，認識虎哥好耐，由佢開發Android系統嗰時已經識佢，佢哋有相同信念，認為VR同擴增實境Augmented Reality（AR）將會係未來發展趨勢，兩人於是一拍即合。
不過話時話，Hugo已經喺小米做咗三年左右，小米2013年向Google挖角，北京空氣麻麻地，返去美國都合理。