一田Hello Kitty期間限定超市下月初開張，CEO黃思麗（Susanna）噚日就去咗銅鑼灣派棉花糖同爆谷畀市民做宣傳。唔好以為Susanna身為一姐淨係識管理，整棉花糖都有板有眼。
呢架綠色YATA x Hello Kitty Pop Up Superemarket Van由噚日開始，去到下月12號將會不定時喺港島區玩「快閃」。
唔講唔知，呢架綠色Van仔，唔同美食車。Susanna指出，架車做宣傳，免費派食物，唔使攞牌照，否則就要等好耐先至攞到牌。呢段宣傳期間，佢都會落場幫同事一齊整棉花糖咁話，佢又畀貼士男仔，話呢架車會專登喺情人節當日去西環「快閃」㗎。