今屆非國盃真係爆冷溫床，暫時每組都有強隊出局，繼加蓬同阿爾及利亞之後，禮拜二輪到衞冕嘅科特迪瓦喺C組被淘汰。「象國」尾輪以0:1不敵摩洛哥，三戰得兩分，排小組第三，而摩洛哥就以六分次名晉級；至於剛果民主共和國就以七分首名出線。不過，應該好多人都開心，例如曼聯領隊摩連奴同水晶宮主帥艾拿迪斯，因為佢哋麾下嘅猛將艾歷拜利同韋費特沙夏都可以提早返英國。