乜DQ咗兩個青政議員後，咁快舉行咗補選咩？有個新議員叫「陳克勸」，真係唔識喎！有讀者報料，話一張掛喺馬鞍山嘅賀年banner（圖），上面嘅議員「陳克勸」，明明係陳克勤，隔籬仲有社區幹事蔡惠誠。克勤變「克勸」，係咪想步連自己英文名都搞錯嘅Tree根後塵？
八方問過蔡惠誠，佢直認banner搞錯咗陳克勤個名，指陳克勤係唔知「陳克勸」嘅存在，因為由佢負責監督製作過程，對自己睇漏咗眼認真唔好意思。佢話呢款賀年banner只有約兩條，有街坊報料話錯名後已經拆咗，重申自己要為事件負責喎。
陳克勤就話真係唔知情，因為按內部指引，有佢個樣同嘅宣佈品要經駐立法會職員審視先出街，今次同事冇按指示而出錯都feel sorry。