今季歐洲五大聯賽爭持都好緊湊，意甲祖雲達斯喺周日早場主場迎戰拉素，教練艾基利玩大佢，派晒希古恩、保羅戴巴拿、文迪蘇傑、古達度同比真歷一齊正選上陣，結果呢個全攻型陣式以2:0贏波，將聯賽主場連勝紀錄延續至27場。另一邊廂羅馬話贏波唔使多，主場迎戰卡利亞里小勝全取三分，歇冬後三場聯賽都係贏1:0，繼續一分落後打少一場嘅榜首祖雲達斯。