迪比雖然敗走英超，但呢位前曼聯7號以2,170萬鎊過檔法甲里昂後，即刻有個好開始。喺周日里昂主場對馬賽場法甲，雖則呢位22歲荷蘭翼鋒冇份打正選，不過喺79分鐘就後備入替華布拿踢咗十幾分鐘；里昂最終靠華布拿入一球，同埋拿卡錫迪梅開二度，贏馬賽3:1。迪比喺法甲處子登場就贏波，個頭算係開得幾好，希望佢可以好似同樣敗走英超嘅巴洛迪利咁喺法甲重生啦。