農曆新年就快到，打工仔都等緊公司派花紅，希望過一個肥年，平保集團旗下平安銀行嘅員工就慘慘豬嘞，內地《北京青年報》報道，平安銀行有員工大呻，今年獲派花紅「足1元（人仔）」，「隔壁同事好一點，3塊多（人仔），我想知道它是發紙幣還是硬幣？」有人唔止冇花紅，仲要被倒扣㖭呀。
報道都有搵平安銀行做回應，指獎金與表現掛鈎，表現較差嘅，獎金自然低，甚至冇得分，呢批員工約佔總數5%。
平保集團持有平安銀行逾52%股權，香港冇平安銀行，內地大約有30幾間分行，佢前身喺深圳發展銀行，幾年前經過收購合併而成。孖屐對於內地銀行冇花紅，不以為然，指經濟差，加上互聯網金融平台興趣，難免對銀行生意就成衝擊。
李華華
mailto:[email protected]