話說港鐵（066）每個月都會抽出每月「生日之星」，抽出一個日子，咁呢日生日嘅朋友，就可以有生日獎！
昨日港鐵就搵埋主席馬時亨、黃秋生、泳兒、湯怡去抽2月生日獎！結果係邊日呢，登登登登！就係每四年先出現一次嘅2月29日！
對港鐵來講，抽中呢一日應該會慳咗錢，四年一遇嘅一日，呢日生日嘅人數，點計都少一截啩！對於呢一日生日嘅朋友來講，雖然今年連2月29日都冇，但因為港鐵，今年應該會多一種「沒有被忘記」嘅感覺。
對上一次出現2月29日，其實就係上年。好多人或者會問，到底2月29日出世，法律上閏年以外年份，邊日先當係生日。本人上網一Search，根據《成年歲數（有關條文）條例》，喺閏年以外嘅其他年份，係以3月1日作為佢嘅生日，真係長知識了。其實呢，如果你呢日生日，都仲有啲嘢係著數過人嘅，好似海洋公園生日免費入場優惠咁，你可以揀喺2月28日或3月1日是但一日入場。
港鐵「開心搭‧生日獎」的生日之星可獲贈生日獎乙份,每份生日獎包括一張特別設計的「Happy Birthday 全日通」車票、一張50元港鐵商場現金禮券及其它商戶優惠券。
2月29日生日嘅朋友，只須於今年2月1日至28日內任何一個星期日，上午11時至下午6時到大部份港鐵站的特設換領站或客務中心，或於平日到紅磡站的旅客服務中心，憑身份證即可換領生日獎。