禮拜三（25日）谷草賽事用C加3欄作賽，睇番最近12月22日同一移欄賽事，四場短途賽頭馬全部守前四位入直路建功。
其中「星際武士」及「開心有你」更加放頭帶到，反而中距離賽事就見到「明月光」、「越駿寶」及「超強快駒」留守內叠中間位置，入直路憑後勁衝贏對手，故此大家揀馬宜有兩手準備。
今戰列陣馬中，角逐第六場四班1200米的「星際武士」，上仗正是於12月22日谷C加3欄賽事一放到底，贏完等番同一移欄再跑，睇部署有心想添食。
另外，出戰頭場五班1000米的「金威利」三次角逐谷C加3欄1000米未失前四名，憑較佳場地性能有機會贏馬補中。