呢幾日入便利店，如果左望右望，或者店員會急市民所急，問大家係咪想搵廁紙。廁紙很累，但廁紙不說，皆因時下最好嘅抽水物品，肯定係廁紙，試問大家又點會放過佢？
抽水抽出自我小天地嘅自由黨榮譽主席田北俊，唔理西環打壓，一早申明提名薯片叔叔，佢噚日喺facebook上載身在便利店嘅相，帖文話：「唔使擔心，我唔係買廁紙。」唔使問阿娥，都知佢寸邊個。
有網民可能嫌未夠喉，留言問田少：「你識唔識用八達通先？」嗱嗱嗱，八方見過田少搭港鐵，相信唔係難事，難怪佢搞笑回應：「Don't look small me.」用網絡語言同大家打成一片。