馬壇由男人作主導，但嘉琦BB師姐、前騎師余詠詩，卻已做馬房副練多時。
余詠詩早排上咗馬會節目，講述未來目標。她說：「目標當然是做香港首位女練馬師，唔經唔覺我在苗禮德馬房做了七年有多，始終我能升做副練馬師，皆因苗禮德提拔我、教導我，他會給予我機會去試。我希望繼續學習，可以於暑假期間跟隨其他國家的練馬師，學習馬房運作和知識。」
一個女人仔於男人圈做領袖，你估咁易咩，工作時難免受遇上困難。當然，余詠詩有自己一套先可以屹立不倒。
余詠詩說：「因為工作多數接觸男性，你是一個小女孩，你怎能指示別人工作呢？初初無甚麼人聽從我說話，當時我選擇將心比己，互相對大家好，事情自然逐漸順利。」
苗禮德馬房呢幾年成績唔錯，多少因為余詠詩幫到手，馬會第時要升邊個坐正做練馬師，不妨諗諗余詠詩。
於馬壇咁多年，相信余詠詩梗會對個別馬匹比較難忘，咁唔知係邊匹呢？余詠詩說：「『雄心威龍』（前香港馬王）本身相當有靈性，完全知道牠自己正在做什麼，無論牠去哪裏，都必先要站立，望望周圍環境才會接受訓練。訓練後也要站立一輪，才回馬房。」