今年嘅2月14日情人節，對跑馬仔人士嚟講特別有意義，因為提名期嗰日開始；入唔入到閘，其後兩星期自有分曉！至於唔跑馬仔嘅人，冇得飲奶或食薯片，情人節有乜好做？甜蜜蜜大小情人親子樂，可能仲有意思！
海港城每年都會大搞以朱古力為主題嘅活動，今年特別將海運大廈地下中庭化身美食車派對之地，由小朋友做主角，登車學做甜品之餘，亦學吓義賣美食，為香港血癌基金籌款。
呢個專為情人節而設嘅親子活動，喺農曆新年前後嘅逢周末舉行，海港城正招募愛烹飪家庭，擔任美食車義工，既促進家長同子女間嘅合作同溝通，亦可以過有趣嘅周末，詳情可參閱海港城facebook： https://www.facebook.com/HarbourCity/ 。