【本報訊】去年初二凌晨，旺角由篤魚蛋賀新歲變槍聲兩響。過去一年撐熟食小販聲音不斷，惟政府至今未放寬政策。農曆新年在即，為保本土節日氣氛，小販們已開始張羅食材準備「檔照開」，惟有人入貨減半，亦有人慨嘆當局執法甚嚴難搵食，對生意不樂觀。
記者：馬志剛
年過六旬的泉哥，前半生都在街頭熟食檔打拼，由豆腐花、串燒、魚肉碗仔翅做到車仔麵，從街邊檔升級開舖，泉哥對街頭小食始終念念不忘，每逢新年總推着手推車，到深水埗、旺角、佐敦巡迴擺檔，只為「賺多兩蚊」好過年，也為冷冰冰的城市增添節日氣氛，「今年都會擺，（走鬼）冇得驚」。
牛頭角道橋底近淘大花園附近，多年新春都有夜市，惟政府近年一再趕絕，去年更用圍板封起。陳小姐逢新年才開檔繼承爺爺衣鉢賣炒栗子及煨魷魚，去年無法營業，今年雖然開檔，但入貨也少了一半，斷言長此下去，街邊檔兩年就沒落。
「冇辦法，都要做。一年得幾日，咁都唔放過人。」陳小姐說，近日食環署已派人到附近影相「擺陣」，相信再有部署。她說擺檔主要是大家開心，也為傳承小食文化，「條街好有氣氛」。她說去年開槍事件後社會提高對熟食小販關注，可惜政府態度不變，對將來「掃街」空間不感樂觀。
憂新年變死城
在上水擺檔賣合桃露、杏仁露多年的譚先生，就說過去兩個月只能開檔10多天，收入大減，因為領展、房署輪流驅趕，又放鐵馬佔去大半行人路，執法力度不鬆反緊，「好多檔都開唔成，高𥧌期有30至40檔，𠵱家得幾檔堅持」。他說以往政府「隻眼開隻眼閉」讓小販過年擺檔，氣氛熱鬧亦相安無事，早年強趕桂林夜市惹反彈，去年更開槍收場，「過年好多舖頭休息‥…大家都係搵餐食，使乜搞到咁嚴重？」
旺角騷亂源於保護「新年掃街」夜市文化，泉哥說事後政府終正視熟食小販問題，提出在旺角麥花臣設新春熟食墟市，惟始終堅守無火煮食底線，最終無法得到區議會支持而告吹。他認為即使未成事，政府也算是行出第一步，但慨嘆近年熟食檔逐漸絕迹，香港新年「冇嘢玩」，港人都不愛留港消費寧願外遊，香港新年變死城再沒節日氣氛，「去到外地咪又係想搵嘢食！」
