翠華(1314)今年踏入50周年，執行董事李祉鍵指會加大食物份量以回饋客人。然而，不少市民認為加大份量無用，減價最實際。
多年無食翠華的黃先生認為，餐廳上市後質素每況愈下，「對比其他茶餐廳貴，lunch差唔多貴到要100蚊，所以少啲幫襯。如果50至70蚊就接受到。宜家唔係大份細份問題，而service（服務）都麻麻地。」
童先生則認為翠華食物普通，「食過一次翠華，感覺有一半食緊舖租。(份量加大)唔會吸引，宜家份量其實都ok架，係價錢問題，唔關份量事。」
不過，經常光顧翠華的孫女士則表示食物不錯，「覺得翠華好好食，又方便，有時都會覺得午餐太貴。（份量加大會否多啲幫襯？）會，ok架，都幾好，又坐得舒服。」
另外，有網民認為翠華主要做內地人生意，網民Edmond Chow於《蘋果facebook》專頁留言指：「10枱有9枱都係大陸人，依家無咁多大陸人黎，生意差左又話要同港人風雨同路，咁你減價先啦，我都諗唔起有幾多年都無去翠華食野啦」