請假請到冇晒藉口，究竟點講好呢？但點都好，千祈咪學英冠阿士東維拉前鋒羅斯麥哥馬克。佢日前以屋企度鐵閘壞咗而出唔到去為理由，同維拉領隊布魯士請假唔練波。點知布魯士絕到踩上羅斯麥哥馬克屋企，發現對方屋企度鐵閘得嗰四呎六吋高，爬都爬到出去，所以唔接受解釋。查實羅斯麥哥馬克係積犯，半季已試過兩次打電話請病假，唔怪得布魯士唔信佢啦。