【本報訊】翠華（1314）主席李遠康由外賣仔做到上市公司主席，被視為都市勵志故事，但連翠華廚房都未入過的仔仔李祉鍵，年僅31歲即已成為公司執董。問李祉鍵是否識沖翠華招牌奶茶，他即擰擰頭笑：「嘩！拉奶茶我唔識，但我由細到大真係茶餐廳出身，飲杯奶茶好似飲紅酒咁，我對飲一杯奶茶都好有研究。」
李祉鍵加入翠華工作已近10年，即幾乎一畢業已在翠華工作，第一份暑期工在中環總店做了三個月樓面。被外界視為翠華接班人，李祉鍵稱平日會「捐窿捐罅」覓食搵靈感，但並非高檔、豪華，而是要食材好、夠貼地，老少咸宜。
李祉鍵除了去年負責翻新中環威靈頓街總店，其參與翠華的項目，還有2008年擔任市場推廣及設計主任時，負責翠華尖沙嘴店宣傳活動，其口號「尖嘴的人有福了」，以「尖嘴」一語雙關指口味挑剔的人，玩食字奪廣告大獎。2009年開將軍澳分店，團隊亦製作了「好味道到將軍Ｏ（澳）」平面廣告。
加入翠華董事局後，李遠康有無親身指導？李祉鍵坦言二人年紀、方向「一定有唔同」，思維未必一樣，但會將父親的意見融入其新主意中。李遠康「捱騾仔」起家，李祉鍵作為富二代，會否怕別人比較？李祉鍵即時抹額上的汗：「無諗過同人比較。」他又話，「阿爸係一個值得大家尊重的人」。