上周五舉行嘅非國盃，力爭衞冕嘅科特迪瓦（右）出現出線危機。「大象國」喺C組次輪賽事又和一場，對住剛果民主共和國曾經兩度失守下，靠史篤城前鋒韋菲特邦尼同埋沙利戴爾各建一功，以2:2逼和對手。科特迪瓦兩戰得兩分，而同日摩洛哥就3:1擊敗多哥上第二，即係話科特迪瓦喺周二對摩洛哥嘅小組煞科戰，要出線嘅話就非勝不可！