【本報訊】「YF」許賢發一生奉獻社福界、政界，其形象總是一位代表弱勢社群發聲的勇者。不過，私下的許賢發，原來是一位廣交好友的食家。社聯行政總裁蔡海偉昨分享，許賢發鍾情各式美食，「我哋經常出去食飯，佢身形比較肥，我就比較瘦，兩個食嘅嘢好唔同，但佢成日會分享佢鍾意食咩美食。」他又指，許於任職社聯期間，每年都會邀請大批好友到宿舍品嚐大閘蟹，場面熱鬧。
譚惠珠曾應邀品嚐
除了是一位食家外，許賢發更是一位和藹友善的老闆，蔡海偉稱，無論是社聯高級職員，或是前線基層員工，許同樣以謙卑態度對待。許賢發舉辦的大閘蟹宴賓客眾多，港區全國人大代表譚惠珠正是其中一位座上客。她指，曾多次被邀請到對方家中品嚐大閘蟹。談到與許的交情，她稱當初是因為市政局選舉認識對方，許是幫忙她組織選舉團隊，「佢對於點樣利用市政局資源為康樂、福利、弱勢社群做嘢，一路都有畀好好嘅意見我。」
■記者紀靜雯
好友哀悼
民主黨創黨主席、資深大律師李柱銘
「佢（許賢發）同我都有一個問題，就係開會都會瞓着覺，嗰時我哋個位喺主席對落嚟嗰排，我同佢同李國寶同有個英籍官員一排，四個都會瞓着覺。」
前行政立法兩局議員李鵬飛
「我同佢好老友、好熟，好可惜佢離世，佢對社福界貢獻好大，我叫佢社福界教父。」
社聯行政總裁蔡海偉
「佢會帶領做行動研究、醫療改革研究，好有先見之明，𠵱個都影響社聯跟住20年嘅路向。」
港區全國人大代表譚惠珠
「佢有邀請我去食大閘蟹，去過三次，好熱鬧，見到好多社福界人士。」
