無論你支持誰人競逐特首,還是覺得都冇得揀、揀唔落手,都不能否認曾俊華嘅型像工程好高質。有手機殻廠商為佢製作咗薯片叔叔iPhone殼,阿John仲拎住宣佈參選,網民睇到心心眼,狂吸like個個話想要商品化。
收到消息,呢個殼依家已經有得上網買喇!有紅、綠兩款,好似薯片有口味揀,好過選特首冇得我哋揀。暫時只有iPhone 6/6s/7大細機版本。唔知其他對手見薯片叔叔咁受歡迎,會唔會又諗返個型像,整個短髮眼鏡娘或者神獸麒麟對抗一吓呢?
圖片提供:Casetify
記者:司徒港燊
2017果籽繼續認真知味。識買惜用。行以求知。好事多為。重修舊好。
緊貼果籽報道,即like: http://fb.me/AS.AppleDaily