網上串流音樂程式競爭激烈，各品牌都爭住出招，好像JOOX就頗頗搞音樂會，Apple Music就減價吸學生客，而一向在華語歌數量有優勢的KKBOX，除了大力搞音樂會益用戶，亦經常推出新功能，如dts音效，更新介面等，不過講到最有趣的當然是跟貼潮流玩VR。KKBOX風雲榜是年度盛事，可惜年年都在台灣舉行，香港用戶少有機會現場睇，不過今年KKBOX就相當有新意，首次利用360直播盛事，所有KKBOX用戶都可透過VR裝置「飛入」台北小巨蛋，360度感受現場氣氛，現場感應該相當正。雖然記者還未有實試過360睇Show，但今年KKBOX風雲榜有五月天，有五月天，有五月天（重要的事要講三次），仲有田馥甄、林俊傑等歌手，加埋360應該冇得輸。另外，KKBOX亦相當細心，考慮到有歌迷未必有VR眼鏡，更於1月21日直播當晚，在朗豪坊12樓LIVE STAGE設下「風雲榜VR直播體驗區」，用現場提供的VR眼鏡觀看風雲榜，體驗360睇Show感覺。
記者：韓繼聰
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily
