禮拜日（22日）田草十場賽事用全闊A欄，呢條跑道一向利追。
以最近12月11日為例，當日總共有六匹頭馬於早段留守尾叠，轉入直路後憑後勁衝贏前面所有對手而獲勝，尤其中長途賽事後追馬優勢更明顯，如「將才」、「里見皇冠」、「美麗大師」及「滿樂時」等都係後上建功，故此靠後勁食糊嘅馬值得優先留意。
今戰列陣馬中，出戰第八場二班1200米的「百勝龍」上仗正是於12月11日田草A欄後上贏馬，勝後刻意等番同一移欄再跑，有機會繼續保持不敗之身。
另外，七場二班1800米的「期惑」兩次角逐A欄1800米均非勝即位，今次重返強項，有力回復表現。