今時今日巴塞隆拿最強鋒線組合MSN無人不識，不過有番咁上下睇波年資嘅球迷，都應該仲記得十幾廿年前巴塞由李華度掛帥嘅時代。李華度由97年起效力巴塞五季，贏過兩次聯賽冠軍，佢亦喺02年帶領巴西贏世盃冠軍。現年44歲嘅李華度喺周三返去巴塞探班，仲同美斯、尼馬同蘇亞雷斯影番張相，佢放上網之後仲自稱為「MRNS」組合㖭。