香港所見的競賽馬全部都係純種馬，聽就聽得多，咁純種馬係咩嚟呢？原來就係為咗賽馬而刻意培育出來嘅品種。
喺好耐好耐以前，大約17至18世紀，有三匹馬為叫做拜耶爾土耳其、達利阿拉伯及高多芬阿拉伯，俾人由中東賣豬仔運咗去英國配種，咁就搖身一變成為純種馬嘅三大始祖。
純種馬外表同其他品種相比，頭就細啲，肌肉發達啲，身形又高大啲，四隻腳又長啲同幼啲，呢埋特點加埋咪可以跑得快啲，但只能維持幾分鐘，應該同你煮一個杯麵時間差唔多。
正因為佢哋四肢又幼又長，所以特別容易受傷斷腳，導致喺比賽期間周不時出現斷腳而墮馬事件。仲有一件事，其實牠們是非常膽小同對周圍好敏感，好容易被嚇親，而網上就流傳咗條片，紀錄咗佢哋受驚時會周圍跑嚟跑去，認真趣致。
其實大部份馬都好乖好溫馴，甚至能夠明白我哋講啲咩，馬仔平時就是靠對耳表達自己。情緒向後平放，代表不開心；雙耳豎起表示很開心同埋對周遭事物感興趣；若朝向前方代表好奇；如果一隻耳向前一隻向後就代表疑惑。
馬仔同我哋人類同樣都喺有靈性，只要接觸時多些了解佢哋嘅需要同感受，大家好快就做到朋友啦！