人稱炒飯哥嘅騎師羅理雅自12月4日開始，已經停賽10個賽日，相信好多馬迷都好掛住呢位五星級大廚嘅招牌炒飯動作，周日（22日）沙田日馬佢終於重出江湖。佢餓馬咁耐必定好想連番數糊，用贏馬嚟填補個幾月以嚟嘅飢餓感。
今日（19日）排位朝，即見佢操練多匹今期出戰馬，包括第6場三班1000米「幸運飛駒」、第8場二班1200米的「百勝龍」、第10場三班1400米「高時運」等，可見呢位騎師對於勝利已經心急如焚。
其中「高時運」更由廐主沈集成親自接馬，表情相當煞有介事，呢位練馬師已經兩個賽日無拉過頭馬條帶，相信佢同炒飯哥一樣都想贏返次馬。呢匹初出馬連日嘅快跳、試閘都由羅理雅主理，當然有權一出即勝。