經常成為《成報》A1頭條主角嘅中聯辦主任張曉明，唔知係咪上京時凍親，噚日喺中聯辦新春酒會致辭前，率先「爆肚」話好抱歉自己前幾日感冒，所以至今仍然有啲聲沙，搞笑話：「我唱不了男高音了，唱低音吧」，唔少人真係笑咗！
雖然小明感冒了，但致辭嘅時候完全無損佢歌功頌德嘅功力，佢特別讚揚國家主席習近平，話堅信以習近平總書記為核心的黨中央掌舵領航，中華民族偉大復興嘅征程，「必定波瀾壯闊、勢不可擋」，仲話全中國人共有嘅中國夢一定能夠如期實現。
中聯辦噚日仲喺酒會上，「專門介紹」新副主任譚鐵牛，話譚噚日係首次喺中聯辦新春酒會亮相喎。