喺舊年11月尾遇到空難導致有好多球員喪生嘅巴西球會查比高恩斯（圖），經過努力之後，現已成功重建球隊，家陣隊波仲有成30個球員㖭。周三佢哋喺新教練韋拿文仙尼帶領底下喺市內進行操練，本月21日佢哋會先同彭美拉斯踢一場友賽，然後再於五日後喺主場同祖恩維爾踢省聯賽，呢場亦係佢哋不幸遇到空難後首場正式比賽，希望佢哋旗開得勝啦。