肥嘟嘟嘅社福界立法會議員邵家臻，噚日喺689最後一次於立法會宣佈施政報告時，突然喺記者區前戴上一副疑似潛水眼鏡，並手持「人民會同你算帳，速離否則開槍，DISPERSE OR WE FIRE」嘅示威牌。
有記者見到邵議員呢個勁似迷你兵團（Minions）嘅造型，就問佢點解開會要戴潛水鏡？邵家臻聽到，有啲尷尬咁話：「唔係潛水鏡嚟㗎！」透露所戴嘅其實係兩年前佔中時用嚟抵擋警方催淚彈嘅保護鏡，進入會議廳前仲同記者講：「我點知一陣間會發生乜嘢事呀？」開會期間亦一度戴住保護鏡面對689。
最終689宣讀施政報告期間，現場無人發射催淚彈，但唔少人就中咗689嘅催眠彈，會上悶到懨懨欲睡，會議小休期間忍唔住飲咖啡提提神。