外籍騎師甚少賽前一天為戰馬操練，愛爾蘭好手郭能更是絕無僅有，偏偏這天例外，他破格為禮拜三(18日)第六場三班1650米泥地的「美麗鉅星」親自於大圈踱步。
其實郭能已經是連續第二朝，親自為「美麗鉅星」踱步，由此可見騎者心中有馬，對「美麗鉅星」相當重視，今戰抱有期望。「美麗鉅星」今季一出即擊敗「翡翠紅星」，而「翡翠紅星」之後取2冠2亞加到89分，「美麗鉅星」目前僅76分，一定有餘未盡。
雖然「美麗鉅星」兩戰泥地一哩都落第，但一次陣上受嚴重干擾，另一次氣管有血，都不能夠作準，今仗再接再厲，難得抽到2檔好位，明顯有良機，加上潘頓停賽郭能才有得騎，機會可一不可再，難怪郭能咁神心，係都要臨賽前親操兩課才安樂啦！