【本報訊】位於秀茂坪有近半世紀歷史的大聖寶廟，昨晨職員返回發現窗花被撬毀，寫字樓遭賊人大肆搜掠，幸香油箱日日清，未有金錢損失，賊人只擸走鐵鎚及鐵鉗，僅值90元，警員調查後相信賊人由斜坡爬入廟內爆竊。
大聖寶廟原名「大聖佛堂」，位於秀茂坪寶琳路的道教廟，鄰近寶達邨，主要供奉孫悟空及哪吒的雕像。昨晨10時半，職員發現一樓寫字樓窗花被撬爛，寫字枱及儲物櫃全部打開，於是報警。警方到場調查，據姓羅的理事長指，此廟4年前搬到現址，前年曾被爆竊，賊人撬開香油箱掠去近萬元。自此香油箱不再上鎖，由職員每日清空善款。「今次賊人摷到亂晒龍，櫃桶打開晒，但冇唔見錢」，賊人偷金不成，卻擸走鐵鎚和鉗，損失輕微。
■記者張培生