唔少港人近年拒食魚翅，齊齊保護海洋，歌手周杰倫亦加入拒翅大軍，喺野生救援嘅短片粉墨登場，呼籲停止食用魚翅。周董喺片中向食翅者埋手，話如果有人指食翅唔會每年令數以百萬計鯊魚被殺害、唔會危害到鯊魚群嘅生存、不含汞唔會危害健康，千祈唔好信佢哋，呼籲大家為咗健康、海洋生態同鯊魚嘅生存權，型爆叫大家拒食魚翅：「沒有買賣，就沒有殺害」，冧死粉絲。
除咗短片，周董亦會喺電車車身廣告現身（圖）。野生救援話護鯊運動喺農曆新年推出，係希望喺呢個傳統魚翅食用高𥧌期，大家對鯊魚伸出同情之手，一齊對魚翅說不。
作為野生救援最新嘅全球大使，周董仲拍咗拒絕象牙、犀牛角同穿山甲嘅廣告，佢話若唔停止非法貿易，世界會冇晒呢啲珍貴動物嘞。